Гвардиоладан кейин унинг шогирди ҳам Лига кубогидаги тўпларни кескин танқид қилди
25 oct 2017 20:59
News

Гвардиоладан кейин унинг шогирди ҳам Лига кубогидаги тўпларни кескин танқид қилди

"Манчестер Сити" ярим ҳимоячиси Яя Туре Лига кубогида фойдаланиладиган "Mitre" тўпларини танқид қилган жамоа бош мураббийи Хосеп Гвардиолани қўллаб-қувватлади.

"Буни баҳона сифатида айтмаяпман, чунки биз ғалаба қозондик. Профессионаллар бундай даражада бу тўплар билан ўйнаши тўғри эмас. Биз бу тўплар билан икки кун машғулот ўтказдик, у кўпчиликка ёқмади.

Футболчилар ҳар доим яхши тўпларда шуғулланишади ва шунга кўникишган. Бугун оғир бўлди. Бу тўплар мени ҳудди ортга, Африкага қайтариб юборгандек бўлди. Улар ҳеч кимга ёқмади, бу жуда ёмон", - деди Туре.

Лига кубогида "Mitre" фирмаси тўпларидан фойдаланилади. Бундай тўплардан Англия футбол лигаси байроғи остидаги турнирларда, яъни Чемпионшип, Лига 1 ва Лига 2да фойдаланишади.