Гвардиола: “Ёшларнинг келажаги ўз қўлларида”

“Биз Англия кубогининг кейинги босқичига йўлланма олдик. Ушбу баҳсга бор эътиборимизни қаратдик. Биринчи таймда бир қатор вазиятларда жиддий кураш кечди, аммо иккинчи таймда вазиятни ўз назоратимизда сақлай олдик. Ўйлашимча, жамоа кутилганидек ҳаракат қила олди. 

“Порт Вейл” билан тўп тепиш ёқимли бўлди. Мен бу жамоа мураббийи, спорт директори билан кўришдим. Биз бу каби клубларни бошқа клублар каби қабул қиламиз. Улар ҳам буни шундай тушунишади. Барчамиз бир мақсад – ғалаба сари ҳаракат қиламиз. Ҳа, биз бошқа даражада ўйин намойиш этамиз, аммо мақсад ҳаммада бир хил бўлади”.

“Ёш футболчилари ҳақида кўп гапириш шарт эмас, улар кўпроқ ўқиб-ўрганишлари лозим. Чунки ёш футболчиларнинг келажаги ўз қўлида. Албатта, Харвуд-Беллис, Фоден ва Дойл учун кўпроқ ўйин амалиётига эга бўлиш муҳим”, дейди “шаҳарликлар” устози.