Гвардиола: "Мбаппе "Манчестер Сити"га ўтмайди"
02 oct 2018 11:41
News

Гвардиола: "Мбаппе "Манчестер Сити"га ўтмайди"

"Манчестер Сити" бош мураббийи Хосеп Гвардиола ПСЖ ҳужумчиси Килиан Мбаппенинг инглиз клубига ўтиши борасидаги миш-мишларни рад этди.

Олдинроқ, 19 ёшли французнинг 224 миллион евро эвазига "Ман Сити"га ўтиши мумкинлиги хабар қилинган эди.

"Бундай миш-мишларни қаердан олишади, билмайман. "Манчестер Сити" Мбаппега бунча пул тўламоқчи эмас, гарчи у шунга арзиса ҳам. Ўйлашимча, ПСЖ футболчини бошқа клубга сотмайди", - дея Гвардиоланинг сўзларини келтирди "Goal.com".

Мбаппе ўтган мавсум Франция чемпионатининг 28 ўйинида қатнашиб 13та гол урди. Бу мавсум эса 4 ўйинда 4 гол. Франция терма жамоаси билан ЖЧ-2018да ғолиб чиқди ва мусобақада тўртта тўп киритди.