Гвардиола "Ман Сити" билан 200-ғалабасига эришди

Бу ғалаба Пеп Гвардиола учун жамоа бошқарувидаги 200-си бўлди. У 2016 йилдан бери "шаҳарликлар"ни бошқармоқда. Бу вақт давомида клубни 268 учрашувга бошлаб тушди ва "Манчестер Сити" футболчилари Пепнинг қўл остида жами 659 та гол уришни уддалади.

Испаниялик мутахассиснинг шогирдлари 15 ўйиндан буён фақат ғалаба қозонишмоқда, мағлубиятсиз ўйинлар серияси эса 22 ўйинга етди.

"Ман Сити"нинг кейинги рақиби Жозе Моуринью бошчилигидаги "Тоттенхэм" бўлади. Мазкур баҳс 13 февраль куни ўтказилади. Эътиборли жиҳати шундаки, клубниг мавсумдаги сўнгги мағлубияти айнан "шпорлар"га қарши ўйинда қайд этилган эди (21 ноябрь, 0:2).