Гвардиола: "Одамлар, биздан доим ғалаба ёки 100 очко тўплашимизни кутмаслиги керак"

«Норвич»ни табриклайман. Биринчи голни стандартдан, иккинчисини – қарши ҳужумдан ўтказиб юбордик. Шу боис, рақиб керакли натижага эришди. Бундан хулоса чиқариб, олдинга интилиш зарур. Тўп оширишда ёмон ўйнамадик, вазиятлар яратдик, лекин рақибга нисбатан кўпроқ гол ура олмадик. «Норвич» ажойиб футболчилардан тузилган яхши жамоа. Ҳужумда эса аввалги ўйинлардаги каби тажовузкор ҳаракат қилмадик.  Футболда ҳар сафар ҳам хатолардан қутилиб бўлмайди. Биз ёки рақибларимиз қанча зарба йўллагани муҳим эмас, асосийси бу голлар. Одамлар, биздан доим ғалаба қозонишимиз ёки 100 очко тўплашимизни кутмаслиги керак. Ҳозир биз тикланамиз ва қайтамиз”, – дейди Гвардиола.