Гуллит: "Ван Дейк расво ўйнади"
19 feb 2020 18:38
News

Гуллит: "Ван Дейк расво ўйнади"

Кеча тунда ЕЧЛ 1/8 финал биринчи учрашуви доирасида "Атлетико" жамоаси "Ливерпуль"ни 1:0 ҳисобида мағлуб этди.

Нидерландия терма жамоаси ва "Милан" собиқ футболчиси Рууд Гуллит баҳсдан сўнг "қизиллар" ҳимоячиси Виржил ван Дейкни танқид қилди.

"Ван Дейк "Атлетико" билан учрашувда расво ўйнади. У рақибга бурчак зарбасини совға қилди ва бу голга олиб келди. У нўноқ ҳаракатланди. "Атлетико"ни бироз омади келди ва улар гол уришди.

"Ливерпуль" футболчилари "Энфилд"да кўп гол уришларини билишади. Лекин, улар жавоб баҳсида яхшироқ ва тезроқ ҳаракатланишлари зарур", - дея Гуллитнинг сўзларини келтирди "The Mirror" нашри "beIN SPORTS"га таянган ҳолда.

"Ливерпуль" ва "Атлетико" жамоалари ўртасидаги жавоб ўйини 11 март куни "Энфилд"да бўлиб ўтади.

28 ёшли ван Дейк жорий мавсум жами 36та ўйин ўтказди ва 4та гол урди.