Грузиялик ҳимоячи, "Олимпик Мобиуз" устози ва кипери - Про лига 8-тур лауреатлари

"Championat.asia" сайти талқинига кўра 7-турнинг энг яхши дарвозабони - Самандар Муродбоев  ("Олимпик Мобиуз")

"Олимпик Мобиуз" жамоаси бу турда "Хоразм" меҳмони бўлди. Қизиқарли ва курашларга бой ўтган учрашувда Фарҳод Нишонов шогирдлари 2:0 ҳисобида ғалаба қозонди. Самандар Муродбоев шу куни ўз дарвозаси даҳлсизлигини сақлаб қола олди. 

"Championat.asia" сайти талқинига кўра 8-турнинг энг яхши футболчиси - Андро Гиоргадзе ("Қўқон-1912")

Кетма-кет иккинчи турда тур футболчиси номига легионер лойиқ кўрилмоқда. Айтиш мумкинки, сўнгги учрашувларга келиб Про лигада легионерлар ўзини кўрсатишни бошлади. Хусусан, 8-турда ўз майдонида "Машъал"ни қабул қилган "Қўқон-1912" таркибида легионерлар катта саҳнага чиқди. Жамоанинг грузиялик ҳимоячиси Андро Гиоргадзе учрашувда дубл муаллифига айланди. 

"Championat.asia" сайти талқинига кўра 8-турнинг энг яхши мураббийи - Фарҳод Нишонов ("Олимпик Мобиуз")

Ёшлардан ташкил топган жамоа бўлишига қарамасдан "Олимпик Мобиуз" нисбатан тажрибали "Хоразм"ни енгишни уддасидан чиқди. Фарҳод Нишонов Ҳаким Фузайловнинг дебют ўйинида мағлубиятга учратди. Шу муносабат билан  Фарҳод Нишоновни 8-турнинг энг яхши мураббийи деб топдик.