Гризманн: "Камп Ноу"да ўзимизни кўрсата оламиз"
01 mar 2018 22:42
News

Гризманн: "Камп Ноу"да ўзимизни кўрсата оламиз"

"Атлетико" ҳужумчиси Антуан Гризманн "Леганес"га қарши ўйиндан кейин "Барселона" билан баҳсга яхши кайфиятда боришини айтиб ўтди.

"Ўз ўйинимдан қониқдим. Тўртта гол урганимдан хурсандман. Асосийси - ўйинда ғалабага эришганимиз. Бу орқали "Барселона" билан ўйинга яхши кайфиятда борамиз.

Мухлисларимизни бахтли қилишни истаймиз. Албатта, барча хато қилади, бироқ бу ўйинда хатога йўл қўймадим. Кетма кет уч, тўрт гол уришни - сўз билан тушунтириб бўлмас экан.

Мухлислар билан ҳеч қандай муаммолар йўқ. Симеонени ва жамоадошларимни қаттиқ хурмат қиламан.

Олдинда 12 ўйин бор, биз ҳар бир учрашувда ғалаба қозонишга интиламиз. "Камп Ноу"да ўзимизни кўрсата оламиз деб умид қиламан", - деди Гризманн.