Ғолиб Ғайбуллаев: “Навбаҳор” – Ўзбекистонда бизга рақобатбардош жамоа. Уларни ўрганиб чиққандик”

Финал ҳақида

Ўйин қийин ўтишини билгандик. “Навбаҳор” жамоаси ҳам кучли. Кўриб турибсиз, бизга рақобатбардош бўлиб турибди. Суперлигада чемпионлик учун улар билан курашмоқдамиз. Уларни ўрганиб чиққандик. Шунга муносиб тайёргарлик кўргандик. Қийин бўлди, омад биз томонга кулиб боқди ва ғалаба қозондик.

- “Навбаҳор” ҳужум чизиғида тажрибали футболчилар ўйнайди. Аммо уларга бугун деярли имконият берилмади. Сизга кимнидир индивидуал тарзда қўриқлаш юкланганмиди?

- Йўқ, ҳеч кимни индивидуал тарзда қўриқалаш вазифаси топширилмаганди. Лекин, ҳамма ўйинчиларни ўрганиб чиққандик. Мураббийларимиз кўрсатмаларни беришганди. Шунга яраша тайёрландик.

- 2-тайм охирларида Ҳусниддин Алиқулов марказий ҳужумчига айланди. Ўша пайтда орқа чизиқда ўйнаш сизга қийинчилик туғдирмадими?

- Йўқ, бу нарса режаларимизда бор эди. Шундай керакли вазиятда Ҳусниддин олдинга, Умар ака эса орқага ўтади. Ўйланган режамиз бор, шунга қараб ҳаракат қилдик.

- Чемпионат финишига 3 тур қолди. “Насаф” ўз тарихида илк титулни қўлга кирита оладими?

- Худо хоҳласа, қўлдан келганча бунга интиламиз.

Фахриддин Рўзиев ёзиб олди