“Герта”-“Бавария”. Ҳакам 5 дақиқа қўшиб берди, Левандовский 96-дақиқада гол урди

Учрашув бош ҳаками иккинчи бўлимга беш дақиқа қўшиб бергач, “Герта” устози ўша дақиқалар ичида иккита ўйинчини алиштирди. Левандовский эса мавсумдаги 16-голини 96-дақиқада (95:59) киритди. Ўша вазиятда хаттоки мюнхенликлар посбони Нойер ҳам рақиб жарима майдончасига етиб келган эди. Шу тариқа полшалик ҳужумчининг голи 2004/2005 йилги мавсумдан бери энг кеч киритилган гол сифатида қайд этилди.

Гол киритилиши билан ҳакамнинг финал ҳуштаги чалинди ва ҳар иккала жамоа футболчилари ҳамда мураббийлари ўртасида майдонда даҳанаки жанг бошланиб кетди. “Герта” томони жамоалар ҳакам томонидан қўшиб берилган вақт тугаганидан кейин ҳам ўйин давом эттирилганидан норози бўлди.