Гасперини "Аталанта" қачон скудеттога давогарлик қилишини айтди

Айни дамда "Аталанта" А Серия турнир жадвалида 4-ўринни эгаллаб турибди.

"Биламан, одамлар буни кўп гапиришади. Бироқ ҳаётга реал қарасак, биз ҳали А Серияда пешқадам бўлмадик. Умуман! Агарда шу кун келса, бемалол биз скудеттога давогармиз дея оламан.

"Интер" биринчи ўринда бўлди, "Наполи", "Милан"... Биз эса максимум 2-ўринда бир неча тур юра олдик ҳолос. Бироқ бирор марта пешқадам бўлмадик. Хўш, шундай жамоа чемпионлик учун кураша оладими?

Йўқ, мен келажакни инкор қилмоқчи эмасман, шунчаки ўтмишни факт қилиб келтиряпман. Биринчи ўриндаги жамоадан 4 очкога ортдамиз. Ўйинлар кўплигини инобатга олсак, ҳали барчаси бўлиши мумкин", - деди Гасперини.