Футзал. Рустам Умаров: "Игитага қарши ўйнаш ёқимли"

Ўзига хос дербидан олдин терма жамоамиз дарвозабони Рустам Умаровнинг фикрлари билан қизиқдик.

"Бугун жуда ҳам кучли босим остидаги принципиал ўйин бўлади. Ўтган йили Қозоғистонга бориб иккита ўйинда ҳам ютқазиб қайтгандик уларга, бу сафар биз уйда ўйнаймиз ва ғалаба қозонишга ҳаракат қиламиз. Лекин уларни мағлуб этиш жуда қийин бўлади.

Қозоғистон терма жамоасидаги икки нафар ўйинчи билан Жанаозеннинг "ОзенМунайГаз" клубида бирга тўп тепганман, лекин улар ҳозирча асосий таркибда тушишмади. Уларда рақобат жуда кучли.

Қозоғистон Европада ўйнайди ва даража ҳам шунга яраша кўтарилган. Осиё ва Европанинг фарқи бор барибир.

Қозоғистон терма жамоасидагиларнинг деярли ҳаммасини танийман. Айниқса, дарвозабон Игитани. У тажрибали ва кучли дарвозабон. Оёқ билан яхши ўйнайди ва ҳатто ҳужумга киришиб кетади, зарбаси ҳам жуда кучли.
Мен учун Игитага қарши ўйнаш ёқимли ва мен бу дуэлга тайёрман".


Толибжон Қосимов