Футзал. Ўзбекистон Япония, Қирғизистон ва Жанубий Корея билан бир гуруҳда
22 feb 2014 12:11
News

Футзал. Ўзбекистон Япония, Қирғизистон ва Жанубий Корея билан бир гуруҳда

Шу йилнинг 30 апрель - 10 май кунлари оралиғида Вьетнамда бўлиб ўтадиган футзал бўйича Осиё чемпионатига қуръа ташланди.

Бугун тонгда Хо Ши Минда футзал бўйича 2014 йилги Осиё чемпионатининг финал қисмига қуръа ташланди.

2012 йил БААда бўлиб ўтган Осиё чемпионатида қайд этган натижалари бўйича 16 та жамоа 4 та саватчага бўлинганди. Унга кўра Ўзбекистон футзал терма жамоаси Хитой, Тожикистон, Хитой Тайпейи билан бирга 3-саватчадан жой олганди.

Бугунги қуръага кўра Баҳодир Аҳмедов шогирдлари "D" гуруҳидан ўрин олишди. Ушбу гуруҳдан Япония, Қирғизистон ва Жанубий Корея терма жамоалари ҳам жой олишди.

Япония амалдаги Осиё чемпиони эканини таъкидлаш лозим. Қирғизистон худди Ўзбекистон сингари ўтган қитъа чемпионатида чорак финалда мағлуб бўлган, Жанубий Корея эса гуруҳдан чиқа олмаганди.

"А" гуруҳи: Вьетнам, Қувайт, Тожикистон, Ироқ
"В" гуруҳи: Эрон, Австралия, Хитой, Индонезия
"С" гуруҳи: Таиланд, Ливан, Хитой Тайпейи, Малайзия
"D" гуруҳи: Япония, Қирғизистон, Ўзбекистон, Жанубий Корея

Link :

Source : championat.asia

Receive latest football news directly on your phone. Subscribe for our Telegram channel!

Rating: