Футзал. Ўзбекистон бугун Баҳрайн билан ўйнайди
01 oct 2022 08:29
News

Футзал. Ўзбекистон бугун Баҳрайн билан ўйнайди

Tags : Футзал

Бугун футзал бўйича Ўзбекистон миллий терма жамоаси Осиё кубоги гуруҳ босқичининг 3-тур ўйинини ўтказади.

Гуруҳдаги сўнгги ўйинда футзалчиларимизга Баҳрайн терма жамоаси рақиблик қилади. Ўйин Тошкент вақти билан соат 16:00 да старт олади.

Мазкур ўйинда футзалчиларимиз тўлиқ кўк либосда, дарвозабонимиз эса сариқ либосда ҳаракатланади.

Эслатиб ўтамиз, Ўзбекистон терма жамоаси 2-турдан сўнг 6 очко жамғарган ҳолда, гуруҳ пешқадами бўлиб турибди ва чорак финал йўлланмасини нақд қилиб қўйган.