Футзал. Ўзбекистон 3-марта қитъада учинчи бўлди
10 may 2014 15:38
News

Футзал. Ўзбекистон 3-марта қитъада учинчи бўлди

Вьетнамда бўлиб ўтаётган футзал бўйича Осиё чемпионати бугун якунланади.

Баҳодир Аҳмедов бошчилигидаги Ўзбекистон терма жамоаси бугун учинчи ўрин учун баҳсда Қувайт устидан 2:1 ҳисобида ғалабага эришди. Терма жамоамиз Осиё чемпионатининг бронза медалларига эга бўлди.

Шундай қилиб 13-марта қитъа чемпионатида иштирок этган Ўзбекистон учинчи марта учинчи ўринни банд этди. Бундан ташқари футзалчиларимиз уч бор кумуш медалларни қўлга киритишган ва бир марта мусобақани тўртинчи ўринда тугатишган.

Маълумот учун, Эрон терма жамоаси 10 карра Осиё чемпиони саналанди. Японлар ҳисобида иккита чемпионлик бор. Қолган ҳеч бир давлат терма жамоаси ҳозирга қадар футзал бўйича Осиё чемпиони бўлмаган.

Бу йилги ОЧ финалида Япония ва Эрон тўқнаш келишади. Баҳс Тошкент вақти билан соат 17:00да бошланади.

Link :

Source : championat.asia

Receive latest football news directly on your phone. Subscribe for our Telegram channel!

Rating: