Футзал. "Максам-Чирчиқ" Ўзбекистон кубоги соҳиби
28 mar 2014 08:28
News

Футзал. "Максам-Чирчиқ" Ўзбекистон кубоги соҳиби

27 март куни футзал бўйича Ўзбекистон кубоги финали бўлиб ўтди.

Унда "Максам-Чирчиқ" (Чирчиқ) ва "Дўстлик-AIN" (Қарши) жамоалари ўзаро кураш олиб боришди. Бу ҳақда ЎФФнинг твиттердаги расмий саҳифаси хабар берди.

Қизиқарли кечган учрашувда чирчиқликлар ғолиб бўлишди.

Ўзбекистон кубоги. Финал
"Максам-Чирчиқ" - "Дўстлик-AIN" 4:2
Голлар: Тожибоев 11, Умаралиев 13, Аҳмедов 27, 38 - Ибрагимов 4, Баратов 35

Таъкидлаш лозимки, бу ўйин "Максам-Чирчиқ" сардори Баҳодир Аҳмедов учун ўйинчилик фаолиятидаги сўнгги соврин бўлди. Аҳмедов фаолияти давомида 9 карра Ўзбекистон чемпиони ва 8 карра Ўзбекистон кубоги соҳибига айланган. У футзал бўйича Ўзбекистон чемпионатларининг барчасида иштирок этган.

Энди Баҳодир Аҳмедов Ўзбекистон миллий терма жамоаси бош мураббийи сифатида ишини давом эттиради.

Link :

Source : championat.asia

Receive latest football news directly on your phone. Subscribe for our Telegram channel!

Rating: