Футзал. Какау: "Ғалабани Қозоғистон Президентига бағишлаймиз"
02 dec 2014 13:07
News

Футзал. Какау: "Ғалабани Қозоғистон Президентига бағишлаймиз"

"Tashkent Cup-2014" халқаро турнири биринчи кунида ўзаро беллашган Қозоғистон ҳамда Озарбайжон терма жамоалари ўртасидаги учрашувдан сўнг қўшниларимизнинг бразилиялик бош мураббийи Рикардо Собрал (Какау)нинг фикрлари билан қизиқдик.

"Бугунги ғалабадан жуда хурсандман. Йигитларга раҳмат айтаман. Ўз вақтида "Қайрат" сафида Европа ва Жаҳон чемпиони бўлганман, лекин бугунги ғалаба мен учун энг муҳими ҳисобланади. Озарбайжондек кучли жамоани таслим қилганимиздан мамнунман. Бугун Қозоғистондаги фаолиятимнинг энг унитилмас куни. Сабаби 1 декабрь Қозоғистонда "Президент куни" ҳисобланади. Ушбу ғалабани мамлакатнинг муҳтарам Президентига бағишлайман.

Шогирдларим барча кўрсатмаларимни тўлиқ бажаришди, тактик ва техник жиҳатдан мукаммал ўйнадик.

Озарбайжон иккита голни бизга совға қилди дея олмайман. Сабаби биз буни машғулотларда ишлаб чиққанмиз. Яна такрорлайман Қозоғистон бугун тарихий ғалабага эришди. Дарвозабонимиз Игита ажойиб ўйнади. У мен учун дунёнинг энг яхши дарвозабони ҳисобланади".

Толибжон Қосимов

Link :

Source : championat.asia

Receive latest football news directly on your phone. Subscribe for our Telegram channel!

Rating: