Футзал чемпионати 2021/22 йилги мавсум старти яқин. Мусобақа Регламенти муҳокама учун тайёр

Аввал хабар берилганидек, футзал чемпионати учун биринчи трансфер ойнаси 2 август санасида очилган ва у 6 октябрга қадар давом этади. Қишки трансфер эса 17 январь — 12 февраль саналари оралиғида амалда бўлади. Янги мавсум эса 9 октябрь санасида старт олиши режалаштирилган.

Айни вақтга келиб ЎзПФЛ томонидан футзал мусобақалари учун Регламент тайёр ҳолга келтирилган бўлиб, у муҳокама учун футбол клублари ҳамда Ўзбекистон футбол ассоциациясига тақдим этилган. Шунингдек, ЎзПФЛ мазкур Регламентни жамоатчилик муҳокамаси учун ҳам эълон қилади. Уни қуйидаги ҳавола ёрдамида кўчириб олиш имконияти мавжуд. Биз бу борадаги таклиф ва танқидларингиз учун очиқ эканлигимизни маълум қиламиз", - деб ёзилади ПФЛ расмий сайтида.