Футзал. 3-тур. 4-кун. "Турон-С" – "Дўстлик-AIN" 3:1 (+ фото)

Турнинг дастлабки икки учрашувида пешқадамларни мағлуб этган "Дўстлик AIN" кейинги икки ўйинни бой бериб қўйди. Бугун Қарши клуби "Турон-С"га 1:3 ҳисобида мағлуб бўлди.

Турон-С – Дўстлик-AIN 3:1
Голлар: Муҳтор Абдукаримов 7, 20, Рашид Жабборов 31 - Жасур Урунов 23
Амалга оширилмаган пенальти: Алишер Ибрагимов 34 (устун)
“Турон-С”: Ахмад Бойжонбоев, Элёр Домлаев, Қаҳрамон Исабоев, Собит Зокиров, Алишер Ризаев, Муҳтор Абдукаримов, Рашид Жабборов, Абдувоҳоб Иқболжонов, Ислом Аҳмедов, Одил Каримов
“Дўстлик-AIN”: Акмал Хазрамқулов, Алишер Юсупов, Жасур Урунов, Дилмурод Тошматов, Алишер Ибрагимов, Шерзод Мустафоев, Шахбоз Аҳмедов, Улуғбек Мажидов, Бахтиёр Баратов.
Огоҳлантириш: Алишер Юсупов 17, Аҳмад Бойжонбоев 34.

Баҳс тугагач "Турон-С" катта мураббийи Рустам Абдиев ўз фикрлари билан ўртоқлашди: "Дўстлик AIN" жамоаси бугун ҳимоявий ўйин кўрсатди. Улар олдинги ўйинларда "Максам-Чирчиқ" ва "Локомотив" жамоаларини айнан ҳимоявий ўйин билан юта олишди. Ўша баҳсларда омад ҳам Қарши жамоаси томонида бўлганди. Бизда эса футболчилар камроқ, лекин кўпчилиги малакали ва тажрибали ўйинчилар. Бугунги баҳсда шогирдларим бор кучини бериб ўйнашди. Албатта омад ҳам бизни тарк этмади. Ғалабадан хурсандман".


Толибжон Қосимов.