Футзал: 2 декабрь куни Осиё чемпионатига қуръа ташланади

Қуръа ташлаш маросими 2015 йилнинг 2 декабрь куни, Тошкентдаги “Зарафшон” кино-концерт саройида ўтказиладиган бўлди. Унда финал босқичида қатнашадиган жамоалар вакиллари иштирок этади.

Айни вақтда ушбу мусобақанинг саралаш босқичи ўйинлари бўлиб ўтмоқда. Япония, Эрон ва Ўзбекистон терма жамоалари 2014 йили Вьетнамда бўлиб ўтган Осиё чемпионатида энг яхши натижа кўрсатган жамоалар сифатида тўғридан-тўғри ушбу Осиё чемпионатининг финал босқичига йўлланма олган. Ўзбекистон навбатдаги Осиё чемпионати мезбони сифатида ҳам тўғридан-тўғри йўлланмага эга бўлгани учун аввалги чемпионатда тўртинчи яхши натижани қайд этган Кувайт терма жамоаси ҳам финал босқичига саралашсиз йўлланма олди.

Эслатиб ўтамиз, Тошкент мезбонлик қиладиган Осиё Чемпионати 2016 йилнинг 9 — 21 февраль кунлари бўлиб ўтади.