Latest news

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  4 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Футболдаги “каратэ” News

Футболдаги “каратэ”

Кеча Қарши шаҳридаги “Геолог” стадионига аёллар ўртасида Олий лига тўртинчи тур доирасида бўлиб ўтган “Севинч”-“Бухоро W” учрашувини бевосита майдондан кузатиш учун ташриф буюрдим.

Маълумки, “Геолог” стадиони “Шўртангаз” кимё мажмуаси тасарруфидаги спорт соғломлаштириш марказининг бир қисми ҳисобланади. У ерда ёш ўғил қизлар футболдан ташқари бир неча спорт турлари билан шуғулланишади.

Стадионга ташрифимнинг боиси фақатгина футбол томоша қилиш эди. Каратэга доир “кўргазмали чиқиш”нинг гувоҳи бўлишим эса хаёлимга ҳам келмасди.

Гап шундаки, меҳмонларнинг 10-рақамли футболчиси Екатерина Лангаева “Бухоро W” таркибида футбол мусобақаларида иштирок этса-да, уни бемалол мураббийларга шарқ яккакурашлари бўйича ҳам синаб кўришни тавсия қилган бўлардим. Боиси…

Келинг, воқеа тафсилотларига батафсил тўхталамиз. 8:0 ҳисобида ортда қолаётган “Бухоро W” футболчилари ўз жарима майдончаси яқинида 69-дақиқада Феруза Турдибоевага нисбатан қўполлик ишлатишди. Учрашув бош ҳаками Анна Сидорова нотўғри позиция танлагани боис ушбу ҳолатни кўрмай қолди. Тўп “Севинч” ҳимоячиларидан бирига келиб тушгач, у тўпни майдон ташқарисига чиқариб юборди. Майдонда ётган Феруза томон меҳмон жамоа сардори Лангаева югуриб келиб, “атайин ётиб ўйинни чўзмаслиги” кераклигини уқтирган кўйи туртиб, пўписа қила бошлади. Қизиғи, ўйинни чўзиш “Севинч” футболчилари учун ёт ҳолат ҳисобланишини мухлислар жуда яхши билишади. Ўзига нисбатан ҳаркатдан жаҳли чиққан Турдибоева эса Лангаевага нисбатан ҳакамнинг фикрича, “қўпол сўзлар” билан жавоб қайтарди. Учрашув бош ҳаками Сидорова ҳар икки футболчига қизил карточка кўрсатиб майдондан четлатди. Турдибоева майдонни тезда тарк этди. Екатерина эса ҳакамнинг ноҳақлигини исботлашга тушиб кетди. Бироз ўтиб майдон ташқарисидаги рақиби Феруза томон важоҳат билан югура кетди. Зиддиятни тинчлантириш учун югурган заҳира ҳаками Зилола Раҳматова ва бошқа футболчилар Лангаевани тинчлантиргунча стадионга йиғилган мухлислар унинг каратэдан ҳам етарлича маҳорати борлигига гувоҳ бўлишди. Оёқда берилган қаттиқ зарба доим спорт билан шуғулланиб юрган Ферузага унча таъсир қилмаганини унинг тик оёқда заҳира ўриндиғини тарк этганидан билиш мумкин. Агар Турдибоева жисмоний бақувват бўлмаганида Екатеринанинг зарбасидан қайтиб ўрнидан тура олмаслиги ҳам мумкин эди. Ўйлаймизки, аёллар футболи ассоциацияси мутасаддилари ушбу ҳолатни ўрганиб чиқишади.

Аёллар футболи гарчи эркаклар футболичалик оммавий бўлмаса-да, унга оддий ҳолатлардан бошлаб эътиборни ошириб бориш керак. Учрашувда эътиборга молик ҳолатлар кўплаб учради. Бу ҳақда батафсил тўхталмоқчи эмасман.

Шунчаки қуруқ гап бўлиб қолмаслиги учун, стадионга тез ёрдам машинасининг кечикиб келиши, меҳмон жамоа футболчиси Феруза Чориева қайдномада 23-рақамда кўрсатилиб, майдонда 13-рақамда ҳаракат қилиши ёки мураббий Обид Ражабовнинг гоҳ заҳира ўриндиғидан, гоҳида назоратчи томондан кўрсатилган томошабинлар ўриндиғидан кўрсатма бериши биз учун жавобсиз савол бўлиб қолаверишини айтиб ўтишимиз мумкин.

Нима ҳам дердик, иш бор жойда камчилик бор. Ҳамма гап хатоларни такрорламай, ундан тегишли хулоса чиқаришда!

Rating:    

Comments

championat.asia
< show latest news
Яндекс.Метрика