Футболчилар Конте ҳақида қандай фикрда?

Антонио Конте ҳақида у билан бирга ишлаган ва ишлаб келаётган футболчилар ўз фикрларини билдиришди.

- "Конте гапирганда унинг гаплари сизга зарбадек таъсир қилади. Унинг ҳар бир гапи юракка етиб боради ва унутишинг қийин". (Андреа Пирло)

- "У барча футболчиларга масъулият юклайди. Унинг қўл остида ҳар бир футболчи ўйинга 100 фоиз ёндашиб ҳаракат қилиши шарт". (Маттео Дармиан)

- "У ҳаммага ўзини кўрсатиш имкониятини беради. Мен буни машғулотнинг биринчи куниданоқ тушуниб етганман. У ҳамма футболчилар билан гаплашади. У учун алоҳида ўйинчилар йўқ". (Виктор Мозес)

- "Челси"га қайтаётганимда кучли мураббий билан ишлашимни билардим. Конте меҳнатни севади, унинг сири фақат шунда. У ҳар доим борини бериб меҳнат қилади. У мени шакллантирди, шунингдек бошқаларни ҳам". (Давид Луис)

- "Конте ўйинчилардан кўп нарса талаб қилиш билан бирган кўп нарса бера олади. У ҳеч қачон ўйиндан четга чиқиб қолмайди". (Жанлуиджи Буффон)

- "Мен кўп мураббийлар қўл остида тўп тепганман, лекин Конте бошқача. У ғалати мураббий. У ҳар бир майда деталга ҳам эътибор қаратади. У рақибни ўрганиш учун соатлаб вақт сарфлайди". (Даниэл де Росси)

- "У тактик томондан Моуриньо ва Гвардиоладан кучли. Конте жуда пухта". (Сеск Фабрегас)

- "Конте ҳар томонлама кучли. У бир ҳафта дам олмасдан ишлаши мумкин. Шунингдек, ҳар бир футболчидан нима хоҳлаётганини аниқ тушунтириб бера олади. У ҳурматга лойиқ инсон, унга ўхшашини топиш қийин". (Эммануэл Жаккерини)