Футболчи чилим паби ёнидаги жанжалдан кейин вафот этди

25 ёшли футболчи шанба куни Ноттингемшир графлигидаги Ретфорд шаҳрида хушсиз ҳолда топилган. Футболчи касалхонада вафот этган.

Маҳаллий полиция бу борада тергов-суриштирув ишларини давом эттирмоқда. Айни дамда 27 ёшли гумонланувчи полиция қўлида бўлиб турибди.

Қайд этилишича, "Dominie Cross" чилим паби ёнидаги автотураргоҳда 8га яқин эркак ва аёл тартибсизлик келтириб чиқарган. Ундан ташқари яна 2 инсон тан жароҳати олишган. 27 ёшли йигитнинг бурни, 40 ёшли эркакнинг жағи синган.

Синотт - "Хаддерсфилд"нинг собиқ сардори Ли Синоттнинг ўғли эди. У 2012-2015 йиллар давомида ушбу клуб шарафини ҳимоя қилган.

2019 йилнинг августидан буён у Англиянинг 7-дивизионидаги "Мэтлок Таун" клуби шарафини ҳимоя қилаётганди. Унинг трансфер ҳуқуқи "Альфретон Таун"га тегишли.