"Фулхэм" МЮ тарбияланувчисини сотиб олишга уринмоқда

"Фулхэм" "Манчестер Юнайтед" ярим ҳимоячиси Скотт Мактоминей билан шартнома имзолаш устида ишламоқда. Бу ҳақда инсайдер Фабрицио Романо хабар берди.

"Дачаликлар" аллақачон "Манчестер Юнайтед"га 20 млн фунтлик иккинчи таклиф билан чиқишган. Бу рад этилиши кутилмоқда. Манкунианлар футболчини 30 млнга баҳоламоқда.

Мактоминей "Юнайтед" тарбияланувчиси саналади. 27 ёшли хавбек ўтган мавсум барча турнирларда 43 та ўйин ўтказиб, 10 та гол урган ва 3 та голга ассистентлик қилган.