Франция - Нигерия. ПРЕВЬЮ

Дастлабки икки кунда фақат гуруҳ ғолиблари чорак финал йўлланмасига эга чиқишди. Французлар гуруҳ босқичида ҳужумкор ўйин намойиш қилиб, рақиб дарвозалари сари энг кўп зарба йўллашди. Дешам Эквадорга қарши баҳсда 5 нафар асосий футболчисига дам олиш имкониятини яратиб берди. Марказий ярим ҳимояда кимни майдонга туширишни Дешам охирги паллаларда қарор қилса керак. Аввалги беллашувларда Погба ва Сиссоколардан бири Кабай ҳамда Матюиди билан бирга ҳаракат қилди. Ҳужумда эса Бенземага Гризманн ёки Жиру ёрдам беради.



Нигерия эса гуруҳ босқичида ўртача таассурот қолдирди. Боснияни енгган жамоа Эрон ва Аргентина билан ўйинларда очко йўқотди. Жамоанинг ҳимояси бўшлиги кўриниб қолди. Лекин ҳужумда тезкор футболчилари эвазига Францияга муаммо яратиши мумкин. Шунга қарамай, марказда етакчиликни ўзига оладиган ўйинчи йўқлиги билиниб турибди.



ФРАНЦИЯ - НИГЕРИЯ
21:00. Бразилиа. "Манэ Гарринча" стадиони.
Бош ҳакам: Мэтт Гайгер (АҚШ).
Тахминий таркиблар
Франция: Льорис - Дебюши, Косельни, Варан, Эвра - Кабай, Погба, Матюиди - Вальбуэна, Жиру, Бензема.
Нигерия: Эньяма - Эмброуз, Йобо, Омеруо, Ошанива - Микель, Онази - Муса, Одемвинги, Узоеньи - Эменике.
Жароҳат олганлар: Сахо - Бабатунде, Мозес, Обоабона.
Дисквалификация хавфида турганлар: Эвра, Погба - Микель, Ошанива, Омеруо.



Бу жамоалар шу кунгача бир бор ўртоқлик учрашувида тўқнаш келиб, унда Нигерия 1:0 ҳисобида зафар қучган. Франция нимчорак финалларда умуман ютқазмаган. Нигерия эса икки марта ушбу босқичдан кейин ортга қайтган. Ҳозирча бу африкаликлар учун энг яхши натижа ҳисобланади.

Беҳзод Назаров тайёрлади.