Франция чемпионатида нима гаплар? Жадвал, тўпурарлар, ассистентлар

Франция чемпионатининг 13-турида "Марсель", "Лион", "Монако" каби етакчилар очко йўқотди. Супер таркибга эга ПСЖ эса йирик ғалабаларини давом эттирмоқда. Парижликлар сўнгги турда "Нант"ни таслим этди ва турнир жадвалидаги ўрнини янада мустаҳкамлаб олди.

Турнирдаги энг ёмон натижа "Мец"га тегишли. Улар 13та ўйиннинг 11тасида мағлуб бўлишди. Мусобақа жадвали етакчиси ПСЖ 13та баҳсда 35та гол урди ва бу голларнинг 22таси Эдинсон Кавани (15та) ва Неймарга (7та) тегишли. Тўпурарлар пойгасида Кавани яққол пешқадам. Кейинги ўринларни Франция чемпионати турнир жадвалида жойлашган жамоалар каби "Монако" ва "Лион" футболчилари эгаллаб туришибди.

Тўпурарлар жадвалида 5-ўринни эгаллаб турган бразилиялик форвард, ассистентлик бўйича ҳаммадан олдинда. 13та турдан сўнг 7та гол урган Неймар, жамоадошларига 7та гол уришга ҳам ёрдам берган.