Франция чемпионати кейинги мавсумдан янги ном билан аталади

Мусобақа "Uber Лига 1" ўрнига "McDonalds Лига 1" деб номланади. Бу ҳақда "La Gazette Du Fennec" хабар бермоқда.

Манбага кўра, McDonalds Франция чемпионатининг нейминг ҳуқуқи учун йилига 20 миллион евро тўлайди. Аввалги ҳамкор Uber йилига 15 миллион евро тўлаган. Бироқ Лионель Месси ва Неймар тимсолидаги асосий юлдузлар Лига 1 дан кетганидан кейин, шунингдек, Килиан Мбаппенинг кетиш эҳтимоли юқори бўлганидан сўнг Uber янги мавсум учун таклифини қисқартирди. 

Франция чемпионати янги ҳамкорлар излашни бошлади ва McDonalds тез овқатланиш тармоғи билан келишувга эришди.

Қайд этилишича, келишув расман эълон қилинмаган, чунки томонлар ҳалигача барча ҳуқуқий масалаларни ҳал қилмаган – музокаралар давом этмоқда.