Франческо Тотти 40 ёшга тўлди

У бутун фаолиятини «Рома»да ўтказган. 1993 йилда 16 ёшида ушбу клубда дебют қилганди.

Ўшандан буён 763та ўйин ўтказиб, 306та гол урди. Италия А сериясида 250та гол урган Тотти бу борада мутлоқ рекордчи Сильвио Пиоладан кейинги иккинчи ўринда.

2001 йилда Тотти «Рома» сафида Италия чемпиони бўлган. Футболчи икки мартадан Италия кубоги ва Италия Суперкубоги соҳиби бўлган.

Италия терма жамоаси таркибида Франческо 2006 йил Жаҳон чемпиони бўлган.