ФОТО. "Локомотив"нинг бугунги машғулоти
10 apr 2015 17:18
News

ФОТО. "Локомотив"нинг бугунги машғулоти

Тошкент, 10 апрель - Олий лигада чемпионлик учун курашаётган "Локомотив" учун ҳар бир ўйин муҳим ҳисобланади.

Жамоа навбатдаги турни ўз майдонида "Бунёдкор"га қарши ўтказади. 13 апрель куни бўлиб ўтадиган беллашувга қизиқиш юқори.

Ғалаба илинжида турган "темирйўлчилар" "Ал Садд" билан ўйиндан кейин бир кун дам олишди ва бугундан яна машғулотлар бошланди. Асосий таркиб аъзолари бугун "Локомотив" стадионида машғулот олиб боришди. Машғулотни клуб бош мураббийи Вадим Абрамов ўтказди. Унга мураббийлар штабидан Марат Мифтахутдинов, Андрей Микляев, Мирко Йелечич, Пётр Гизимчук ёрдам беришди.

Жамоа шифокори Ойбек Умаровнинг айтишича, ҳамма соғ ва ҳеч кимни жароҳат безовта қилаётгани йўқ. Насиб қилса, "Бунёдкор" билан ўйинга барча бир хил тайёр бўлади ва келаси ҳафтанинг душанба куни ниҳоятда қизиқарли баҳс гувоҳи бўлсак ажаб эмас. Қуйида бугунги машғулотдан фотосуратларни томоша қилишингиз мумкин.

Олий лига. 4-тур
13 апрель. "Локомотив" стадиони. 16:00

«Локомотив» (Тошкент) – «Бунёдкор» (Тошкент)
Ҳакамлар: Р. Эрматов, А. Расулов, Ж. Саидов, Д. Каримов.
Назоратчи: Б.Галеев.