Флорентино Перес: "Реал" - глобал бренд, бизда энг кўп мухлис бор. Клубда янги давр бошланди"

"Одатий финал ўйини, икки жамоа ҳам ютишни хоҳлади. "Атлетик"ни табриклайман, улар яхши ўйин ўтказишди.

Бу соврин кўп нарсани англатади. Биз кўп нарсаларни ўзгартирдик, янги давр келди, бизда янги мураббий бор... Ҳимояни ўзгартирдик ва бу жуда яхши натижалар бермоқда. Мен биз бораётган йўналишдан бахтлиман ва юқори кайфиятдаман.

Марсело - буюк, афсона. Биз унинг хизматларини тан оламиз. Уни туриб олқишлаганларидан мамнунман. У ёшлигидан барчасини ютишни ўрганди.

"Реал" аъзоси сифатида 60 йиллик юбилейимни нишонлаяпман. Мен Сантьяго Бернабеу ўрнатган тамойилларга мос равишда ишлаяпман. "Реал" - глобал бренд, дунёнинг барча қисмларида мадридистлар бор. Барчадан кўра ушбу клубда энг кўп мухлис бор", - дейди Перес.

Эслатиб ўтамиз, "Реал" ўз тарихидаги 95-совринни қўлга киритди, "Барселона"да эса 96та титул бор. Пойга давом этади!