Флик: “Ўйин топ даражада кечмади, аммо мен мамнунман”

“Ҳар иккала жамоа футбол ўйнашни истагани кўриниб турди. “Хоффенхайм” айниқса, биринчи бўлимда бир қатор голли вазиятларни ярата олди. Мануэль Нойер бир нечта “сейв”ларни намойиш этишга мажбур бўлди.

4:1  - жуда яхши натижа. Биз қаторасига тўртта ўйинда ғолиб чиқдик ва 12 очко жамғардик. Айнан ғалабали ўйинлар учун ҳаракат қилаяпмиз.

Яхши ўйин кўрсата олдик. Ҳаммаси топ даражада бўлмаган бўлсада, мен ўйинимиздан мамнунман. Иккита мағлубиятан кейин яна ғалабали одимлашни истагандик. Буюк жамоаларни айнан шу хислат бошқалардан ажратиб туради.

Жамоам ўйини шуни кўрсатдики, улар ягона мақсад сари тезда жипслашиб, уни амалга ошира олишади. Бу футболчиларнинг ўзига ҳам ишонч бахш этади”, деди Флик.