Latest news

09:40“Хоразм“ “Пахтакор“ футболчисига қизиқмоқда  0 09:05“Ал Ҳилол“ “Манчестер Сити“ни мағлуб этгани учун футболчиларга қанча мукофот пули бергани маълум  2 08:33“Насаф“ Мозговойнинг ўрнига “Динамо“ етакчисини олиб келмоқчи  1 08:00Суперлига. Бугун 1-давранинг сўнгги тури старт олади  0 07:28Шомуродовнинг янги жамоаси деярли маълум. Музокаралар якуний босқичда  29 02:11Марко Станоевич: "Аламли мағлубият бўлди. Буни тезроқ унутиб, машғулотларга қайтишимиз керак"  4 01:33Аброр Исмоилов: "Муҳим учрашувда керакли очколарни қўлга киритдик"  1 01:27Камолиддин Тожиев: "Натижа бор, лекин жамоамиз ўйинидан қониқмадим"  2 00:45Ольмо Клублар ўртасидаги ЖЧ ҳақида: "Мавсумга тўлақонли тайёргарлик кўраётганимиздан хурсандмиз"  4 00:35Фарҳод Нишонов: "Кубок ўйинларида янада узоқроқ боришни мақсад қилгандик"  0 00:22Ҳаким Фузайлов: "Бугунги мағлубият учун ҳамма айбни ўзимга оламан"  3 00:00Суперлига. "Динамо" мухлислари кўз ўнгида "Нефтчи"га ютқазди  4 23:50Сергей Лушчан: "Кубок ўйинларида футболчиларга қўшимча мотивация керак"  7 23:28Вадим Абрамов: "Бугун жамоам жуда оғир ўйнади"  11 23:06Брайан Риаскос: "Суперлига – бир қараганда осон, аммо аслида жуда мураккаб турнир"  2

Финал. Ҳимоявий футболга тайёрмисиз? News

Финал. Ҳимоявий футболга тайёрмисиз?

Суперлига 23-туридан кейин барчанинг эътибори кубок финалига қаратилади.

Мезбон

30-бор ўтказилаётган Ўзбекистон кубогининг ҳал қилувчи баҳсини биринчи марта Бухоро шаҳри қабул қиляпти. Олдинги 29 финалнинг  18таси “Пахтакор”, 3таси “Динамо”, 2таси МҲСК ўйингоҳида ўтган. ОКМК (Олмалиқ), “Сўғдиёна” (Жиззах), “Истиқлол” (Фарғона), “Марказий” (Наманган), “Бунёдкор” ва “Локомотив” (Тошкент) стадионлари эса 1 мартадан мусобақанинг якунловчи ўйинига мезбонлик қилган. 

“Насаф”

Рўзиқул Бердиев шогирдлари турнирнинг амалдаги ғолиби ҳисобланади. Мазкур жамоа Осиё Чемпионлар Лигасида ўйнаш ҳуқуқини қўлга киритгани туфайли мамлакат кубогидаги юришини 1/8 финалдан бошлади. 

Яъни “аждарлар” финал остонасига қадар 3 та жамоани мусобақадан чиқариб юборди:

Нимчорак финал. “Сурхон” 1:2 “Насаф”;

Чорак финал. “Насаф” 1:0 “Локомотив”;

Ярим финал. “Насаф” 2:1 АГМК.

Эътиборли жиҳати, Қашқадарё клубининг финалга қадар етиб келишида ҳимоячиларнинг ҳиссаси катта. Насафнинг мусобақадаги голларига Ҳусниддин Алиқулов (2та), Ғолиб Ғайбуллаев, Алибек Давронов ҳамда Шароф Муҳитдинов муаллифлик қилган.

“Навбаҳор”

Самвел Бабаян шогирдлари эса 24 йиллик танаффусдан кейин финалда ўйнаш ҳуқуқини қўлга киритди. Турнирдаги иштирокини “ўлим гуруҳи”да бошлаган “лочинлар” “Нефтчи”, “Қизилқум” ва “Динамо” жойлашган квартетдан 100 фоизлик натижа билан чиқишди. 

Плей-оффда эса “Олимпик”, “Пахтакор” ва “Сўғдиёна” навбати билан таслим қилинди. Наманганликларнинг мусобақадаги тўпурари Жамшид Искандеров ҳисобланади. Хоразмлик футболчининг ҳисобида 4та гол бор.

❗Бабаян “Навбаҳор”да ҳам тартибли ҳимояга алоҳида урғу беряпти. Унинг шогирдлари финалга қадар ўтказилган 6 ўйинда фақат 1 марта тўп ўтказиб юборишди. 

Хулоса

Бухородаги тўқнашувда голлар шоуси бўлмаса керак. Финал мураббийлар ўртасидаги “шахмат партияси”га айланиб кетиш эҳтимоли бор. Жамоаларнинг Суперлигадаги 2 ўйинида бор-йўғи битта гол урилган эди. 30 октябрь куни ҳам ҳимояда хато қилмаслик вазифаси биринчи ўринда турса керак.

Хуллас, олдимизда голлар кам, курашлар кўп бўладиган ҳақиқий финал турибди. Сизнингча, кубок кимники бўлади?

Муаллифнинг телеграмдаги канали → ФР| футбол АНАЛИЗИ

Author :
Rating: +6   

Comments

championat.asia
< show latest news
Яндекс.Метрика