FIFA.UZ: ЖЧ-2014 ғолибига "brazuca" топширилди

FIFA.UZ да айнан шу мусобақа учун махсус саҳифа ишга тушганди. Ғолибга Бразилиядаги мундиалда ўйналган "brazuca" тўпининг оригинали топширилиши маълум қилинганди.

Ушбу совринни қўқонлик Жавоҳир Мадалиев қўлга киритганди. Бироқ турли сабабларга кўра совғани унга топшира олмай келаётгандик. Ниҳоят бугун ғолиб офисимизга ташриф буюрди ва ўзига аталган тўпни қабул қилиб олди.  

"Ўзим темирйўлда ишлайман, футболга жуда қизиқаман. FIFA.UZ ишга тушгандан буён ўйнаб келаётгандим. Жаҳон чемпионатида эса омадим келиб ғолиб чиқдим. Бошқа лигаларда у қадар юқори ўринларга чиқа олмаётгандим. Германияда 18, Англияда 6-ўринларга чиққанман, лекин чемпион бўлмаганман.

ЖЧ-2014да дастлабки турлардан юқори ўринга чиқиб олдим. Сўнгги турда Голландиянинг Бразилия устидан қозонган ғалабаси туфайли чемпион бўлдим. Сабаби ўзим Голландия мухлисиман, шу боис бу жамоадан кўплаб ўйинчиларни олгандим", - дейди Жавоҳир Мадалиев.


Шу ўринда тўпни Москвадан келишида ёрдам кўрсатгани учун сайтимизнинг фаол ўқувчиси бўлган Яҳёбек Бойматовга миннатдорчилик билдирамиз.