FIFA20 ўйинида ўзбекистонлик футболчилар борми?

Ушбу ўйинни ҳамюртиларимиз ҳам сотиб олиб, ўйнашга ҳам улгуришгани аниқ. FIF20да ўзбекистонлик футболчилар борлигига ҳеч қизиқдингизми?

Ўйиндаги футболчилар базасида фақат 3 нафар ўзбекистонлик футбол устаси борлигини аниқладик. Эътиборингизга шу 3 футболчи ва уларнинг кўрсаткичларини тақдим этамиз.

ФОЗИЛ МУСАЕВ

Фаолиятини Япониянинг "Жубило Ивата" клубида давом эттираётган Фозил Мусаев FIFA20 ўйинида мавжуд бўлган уч ўзбекистонликнинг бири ҳисобланади. Жорий мавсум J лиганинг 8та учрашувида майдонга тушган ҳамюртимизнинг ўйиндаги умумий кўрсаткичи - 60.

Кўрсаткичлар (100 баллик тизимда):

Тезлик - 65, зарба - 46, паслар - 57, дриблинг - 63, ҳимоя - 55, жисмоний тайёргарлик - 71.

ИКРОМ АЛИБОЕВ

FIFA20даги навбатдаги футболчимиз Жанубий Кореянинг "Сеул" клуби шарафини ҳимоя қилаётган - Икром Алибоев. Корея чемпионатининг 30та ўйинида 3та гол уришга эришган ярим ҳимоячимизнинг кўрсаткичи 68.

Кўрсаткичлар (100 баллик тизимда):

Тезлик - 67, зарба - 64, паслар - 67, дриблинг - 63, ҳимоя - 55, жисмоний тайёргарлик - 61.

ОДИЛ АҲМЕДОВ

FIFA20 ўйинидаги энг кучли ўзбекистонлик "Шанхай СИПГ" сафида тўп тепаётган Одил Аҳмедов ҳисобланади. Аҳмедовнинг кўрсаткичлари ўйиннинг аввалги қисмидагидек эмас. Ҳамюртимизнинг рақамлари пасайтирилган.

Кўрсаткичлар (100 баллик тизимда):

Тезлик - 70, зарба - 71, паслар - 72, дриблинг - 71, ҳимоя - 71, жисмоний тайёргарлик - 72.