ФИФА раҳбари "Пахтакор"га табрик йўллади

«Шерлар» Coca Cola Суперлигасининг 20-тур сафардаги баҳсда «Металлург»ни мағлуб (2:1) этиб, муддатидан олдин мусобақа ғолиблигини кўлга киритишганди.

«Мен "Пахтакор"нинг 2019 йилги миллий чемпионатда Ўзбекистон чемпиони бўлганини эшитиб жуда қувондим. Фурсатдан фойдаланиб "Пахтакор"нинг 2015 йилдан бери биринчи бор чемпион бўлгани билан табриклайман. 

Ҳеч шубҳасиз, бу оғир меҳнат ҳамда катта машаққат маҳсулидир, шунингдек жамоадаги барча бундай ютуқ қўлга киритилгани билан фахрланса арзийди. Менинг табригимни футболчиларга, мураббийлар штабига, клуб маъмурияти ҳамда жамоа мухлисларига етказиб қўясиз деган умиддаман. Ўйлайманки, жамоа катта иштиёқ билан меҳнат қилишда давом этади. 

Мамлакат ва халқаро футбол ривожи йўлида "Пахтакор" футбол клуби ҳамда футбол ассоциацияси кенг кўламли ишларни амалга оширяпти, бу эса шундай чиройли ўйиннинг янада кенг тараққий топишига сабаб бўлмоқда», дейди Жанни Инфантино.