ФИФА Анчелоттининг Бразилия терма жамоасига тайинланиши бўйича тергов бошлади
30 may 11:37
News
ФИФА Анчелоттининг Бразилия терма жамоасига тайинланиши бўйича тергов бошлади
Бразилия футбол федерацияси (CBF) аллақачон тергов бошлангани ҳақида расмий хат олган.
Халқаро футбол федерацияси италиялик мутахассис билан шартнома тузиш жараёнида футбол агентлари фаолияти қоидалари бузилган бўлиши мумкин деб ҳисоблайди.
Хабарларга кўра, мураббий вакили Диего Фернандес 1,2 миллион евро миқдорида комиссия олиши керак эди.
"Афтидан, ҳозирда агентлик лицензиясига эга бўлмаган жаноб Диего Фернандес Бразилия футбол федерацияси ва мураббий Карло Анчелоттига унинг "Реал"дан Бразилия терма жамоасига ўтишида футбол агенти сифатида хизмат кўрсатган", – дейилади хатда.
ФИФА CBFдан Фернандес иштирок этган музокаралар ва тўловларга оид барча ҳужжатлар, унинг номидан имзоланган барча ҳужжатлар ва федерациянинг ушбу масала бўйича позициясининг қисқача баёнини тақдим этишни сўради.
"CBF Карло Анчелоттини ишга олиш бўйича музокараларга оид шартлар махфийлик бандларини ўз ичига олади ва улар ташкилотнинг собиқ раҳбарияти томонидан ишлаб чиқилган. Жорий администрация вазият бўйича ички текширув ўтказмоқда", – дейилади федерациянинг жавоб баёнотида.
Фернандеснинг ўзи шартнома тузишда маслаҳатчи сифатида иш юритганини маълум қилди.
"Музокаралар қисқа муддатларда ўтгани сабабли, бу ФИФАда футбол агенти сифатида рўйхатдан ўтиш жараёни билан мос келмади. Диего ушбу жараён якунланганидан сўнг адолатли воситачилик ҳақи олиш учун рўйхатдан ўтишга ариза беришни режалаштирмоқда", – дейилади Анчелотти вакили томонидан берилган баёнотда.
Similar news
championat.asia
U-17 ЖЧ. Ўзбекистон Панама дарвозасига 6 та тўп йўллади
Эшитдик-да! Кападзе Ўзбекистон терма жамоасидан кетди
Ла Лига. "Реал" меҳмонда "Райо Вальекано"ни мағлуб эта олмади
АПЛ. "Манчестер Сити" "Ливерпул"ни йирик ҳисобда таслим этди, Ҳусанов эса...
Comments