Феруза Турдибоева: "Ҳар бир инсоннинг гапига жаҳл қилиб юрсак, ҳаётда яшаш тарзимиз қийинлашади"

Қуйида ушбу интервьюнинг бир қисмини тақдим этамиз.

- Аёллар футболи энди-энди ривожланяпти, деб айтяпмиз. Шу вақтгача ривожланмаганининг 3 та асосий сабабини айтиб бера оласизми?
- Тўғри, масалан, 10 йиллар олдин молиявий ва эътибор қаратиш тарафлама ривожланмаганди. Чемпионат 1 ойда бир марта битта стадионда ўтган. Ҳозирги пайтда болалар футболи каби эътибор кучайган. Бу учун раҳмат. Бизга шунчалик эътибор қаратишаётгани учун миннатдорлик билдираман. Ривожланмаганига асосий сабаб сифатида ҳамма клубларда ҳам аёллар жамоаси бўлмаганини айта оламан. Ҳозирги кунда бу мажбурий қилиб қўйилди.

- АҚШга қарши ўйинлар терма жамоа учун қанчалик фойдали бўлди?
- АҚШ билан учрашувлар ҳар тарафлама фойдали бўлди. Бундай рақиблар билан кўпроқ ўйнаб туриш керак. Тезроқ ривожланишимиз учун кучлироқ жамоаларга қарши ўйнашимиз, турли мусобақаларда иштирок этишимиз керак.

- Менталитет масаласини айтиб ўтдингиз. "Аёллар футбол ўйнаб нима қилади?", дейишади. Бунга қандай муносабат билдирасиз?
- Тўғриси, мен бунга эътибор қаратмайман. Ҳар бир инсоннинг гапига жаҳл қилиб юрсак, ҳаётда яшаш тарзимиз қийинлашади. Вақти келганда ҳамма гапиради. Бу нарсаларга нормал қараш керак.

- Аёллар футболида эркак мураббийлар ишлашига муносабатингиз қанақа? Эркакларнинг тегажоғлик қилгани ҳақида турли миш-мишлар бор...
- Тўғрисини айтаман...

Интервьюни тўлиқ ҳолда эртага томоша қилишингиз ва ўқишингиз мумкин бўлади.