Файзуллаев “Краснодар”га қарши ўйинда жиддий жароҳатдан қутулиб қолди
13 dec 2023 20:26
News

Файзуллаев “Краснодар”га қарши ўйинда жиддий жароҳатдан қутулиб қолди

РПЛ доирасида ЦСКА клуби меҳмонда "Краснодар"га ютқазиб қўйди ва 0:1 ҳисобида мағлуб бўлди. Учрашувдаги ягона голга Никита Кривтсов муаллифлик қилди.

Клуб матбуот хизмати хабарига кўра, мазкур беллашувда “армиячилар”нинг ўзбекистонлик вингери Аббосбек Файзуллаевда жиддий жароҳат олиш хавфи мавжуд эди, бироқ ҳаммаси яхши якунланган.

“Аббос нохуш шикастга йўлиқди. Аммо Москвага қайтгач, у МРТдан ўтди, муолажа давомида унинг соғлиғида жиддий муаммолар аниқламади. Ярим ҳимоячи ЦСКА ПФК тиббий штабидан тикланиш учун керакли тавсияларни олди", - дейилади хабарда.

Эслатиб ўтамиз, Файзуллаев Ўзбекистон миллий терма жамоасининг декабрь ойидаги йиғинига чақирилганди.

Link :

Source : ЦСКА матбуот хизмати

Receive latest football news directly on your phone. Subscribe for our Telegram channel!

Rating: +24