Фарруҳ Сайфиев: "Пахтакор" оддий жамоа бўлиб қолган? Натижа барчасини айтиб турибди"

Мавсум давомида жамоасининг муваффақиятларига муносиб ҳисса қўшган Фарруҳ Сайфиевга микрафон тутдик. 

"Ҳозирда осон ўйинлар қолмаган. Биз учун барча учрашувлар қийин ўтди. Жамоалар "Пахтакор"га қарши қандай ўйнашини биласиз. Барчани чемпионлик билан табриклайман",- дейди Фарруҳ Сайфиев. 

- "Пахтакор" оддий жамоа бўлиб қолди, улардан ҳеч қўрқмай ўйнайди, деган фикрларга қандай қарайсиз?

- Бундай гапларга қўшилмайман. Натижа барчасини айтиб турибди. Чемпионатимизда оддий ўйинлар қолмаган. Иккинчи ва учинчи ўринлар учун қандай кураш кетаётганини қаранг. Охирги турларда "Андижон", "Сурхон" ҳам ўйинини кучайтирди. Ўзбекистон кубоги учун максимал ҳаракат қиламиз. Шунингдек мавсумнинг қолган иккита баҳсини муносиб якунлашга интиламиз.