Фарруҳ Сайфиев: "Юртимиз байроғини баланд кўтарамиз"
26 sep 2014 07:30
News

Фарруҳ Сайфиев: "Юртимиз байроғини баланд кўтарамиз"

Жанубий Кореянинг Инчон шаҳрида давом этаётган Осиё ўйинларида мамлакатимиз футболчилари гуруҳ баҳсларини муваффақиятли якунлаб, кейинги босқичга йўл олишди.

Бугун футболчиларимиз Саудия Арабистони термасига қарши майдонга чиқишади. Аввал хабар қилганимиздек, Осиё олимпиадасида терма жамоамиз сафида "Насаф"нинг икки нафар аъзоси дарвозабон Элдорбек Суюнов ва ярим ҳимоячи Фарруҳ Сайфиев иштирок этишмоқда. Элдор гуруҳ босқичида барча уч учрашувда терма жамоа дарвозасини қўриқлаган бўлса, Фарруҳ Сайфиев икки учрашувда майдонга чиқиб, сўнги ўйинда Афғонистон терма жамоаси дарвозасини ишғол этишга эришди.

- Сўнгги ўйинмизда захирадан майдонга тушаётганимда мураббийимиз кўпроқ ҳужмга ўтишимни таъкидлаган эди, -дейди Фарруҳ Сайфиев.

Лекин гол уришимни сезмагандим. Гол киритилган вазиятда шерикларим мени қулай вазиятга чиқаришди ва қийинчиликсиз дарвозани ишғол этдим. Албатта, бундай нуфузли мусобақада гол уриш ёқимли. Умуман илк бор қитъамизнинг энг нуфузли мусобақасида қатанашётганимдан хурсандман. Албатта майдонга тушганимизда имконимиз борича юртимиз шарафини муносиб ҳимоя қилиб, байроғимизни янада юқори кўтариш учун ҳаракат қиламиз.

"Насаф" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: