Фарҳод Магометов: "Олий лигада клублар сонини оширишга тайёр эмасмиз"

Жумладан олий лигада жамоалар сонини ошириш бўйича таклиф берилди.

Фарҳод Магометов: "2018 йилгача бўлган режамизда олий лига клублари сонини ошириш кўзда тутилган, аммо айни пайтда бунга тайёр эмасмиз. Клублар сонини оширганимиз билан, клублар аҳволи, ҳолати бунга жавоб бермайди. Масалан, “Шўртан" ва "Гулистон" 2013 йилги мавсумни баъзўр тугатишди. Бундай клублар олий лигага керакми?! Агар клублар тайёр бўлса, биз лига иштирокчилари сонини 16та эмас, 20тагача ҳам кўпайтирамиз".

Бундан ташқари олий лига клублари стадионида симсиз интернет (Wi-fi) бўлмаса бу клубларни жаримага тортиш таклифи берилди.

Фарҳод Магометов: “Стадионларда симсиз интернет бўлиши кераклиги талабларга киритилган, лицензиялаш ҳужжатларида ҳам ушбу талаб мавжуд. Олий лига клублари вакиллари ўз стадионингизда интернет бўлишини таъминланг”.

Янги йилда бир клубнинг уч нафар футболчиси миллий терма жамоага чақирилса, клуб ўйин санасини ўзгартириш бўйича ПФЛга илтимос билан чиқишга ҳақли. Агар клубнинг беш нафар футболчиси олимпия терма жамоага чақирув олса, бу клуб ўйин санасини ўзгартириш бўйича ПФЛга илтимос билан чиқиши мумкин.

Исломбек Рустамбеков.