Фарҳод Абдуллаев Тожикистонда, кейин Ливан ва Қатарга боради

Абдуллаев 29 март куни Душанбедан тўғри Дубайга учади ва у ердан Ливан пойтахти Байрут шаҳрига етиб боради. ФИФА инструктори Байрутда суриялик рефери Ферас Тавилнинг ўйинни бошқаришини кузатади ва ОФКга ўз таассуротларини ёзма тарзда тақдим этади.

Шундан сўнг, Фарҳод Абдуллаев 31 март куни Доҳа шаҳрига йўл олади. Юртдошимиз ОЧЛ гуруҳ босқич 4-тури доирасидаги Қатарнинг “Ал Райян” ҳамда Саудия Арабистонинг “Ал Шабаб” жамоалари ўртасидаги ўйинда Тан Хай бошчилигидаги хитойлик ҳакамлар ҳаракатини назорат қилади.

Фарҳод Абдуллаевнинг бизга маълум қилишча, у жорий йилдан Марказий Осиё давлатлари, шунингдек, Афғонистон ва Покистон мамлакатлари ҳакамларига ФИФА томонидан куратор этиб тайинланган.