Фарғона дербисида кимнинг қўли баланд келади?

 Хусусан Қўқонда маҳаллий “Қўқон-1912” жамоаси олий лига вакили “Нефтчи”ни қабул қилади. Мазкур ўйин Фарғона дербиси бўлади. Сир эмаски, дербилар қандай мақомдаги ўйин бўлишидан қатъий назар доимо муросасиз ва кескин курашлар остида ўтиб келган. Бир сўз билан айтганда ишқибозлар бугун қизиқарли баҳсга гувоҳ бўлади.

Қўшниларнинг ушбу тўқнашуви муросасиз ўтиши тайин. Шу боис учрашувга бўлган қизиқиш юқори.
Олий лигага чиқишни кўзлаётган “Қўқон-1912”нинг ҳақиқий кучини бугунги ўйинда кўрсак ажаб эмас. Қўқонликларни жиддий синов кутиб турибди. Фарғонанинг “Нефтчи” жамоасига ҳам осон бўлмаслиги турган гап.

Бундан ташқари бугун Кападзе ва Исмоилов тўқнашуви бўлади. Устоз ва шогирд. Футболчилик фаолияти давомида Тоҳир Кападзе қўли остида ўйнаган Мурод Исмоилов бугун илк бор мураббий сифатида устозига қарши биринчи  расмий ўйинини ўтказади. Мурод Музаффарович жамоаси элита вакили ва унинг ихтиёрида бир қатор маҳоратли ўйинчилар бор.
Тоҳир Кападзе жамоасида эса асосан маҳаллий футболчилар йиғилган. Кўрамиз бугун кимнинг қўли баланд келаркин.
Жорий мавсумни “Қўқон-1912”да таркибида бошлаган Отабек Ҳайдаров, Нодир Қўзибоев, Умид Қодиров сингари “Нефтчи”нинг собиқ ўйинчилари бугун икки барораб куч билан ўйнашса ажаб эмас.

“Нефтчи” ҳам бугун ўз мухлисларини ғалаба билан хурсанд этишга уриниши аниқ.
Шунингдек бугунги ўйинга томошабинлар ташрифи ҳам оз бўлмайди. Қўши Фарғонадан ашаддий ишқибозлар Қўқонга ташриф буюриб севимли жамоасини қўллаб қувватлашини таҳмин қилиш мумкин. Хуллас 8000 ўриндиққа эга бўлган Қўқондаги стадионда аншлаг кўришимиз мумкин.

Эслатиб ўтамиз учрашув 17:00да бошланиши режалаштирилган.

Исломбек Рустамбеков.