"Фаолиятим бошқача бўлиши мумкин эди". Илёс Зейтуллаев Италия А Сериясида мустаҳкам ўрнашиб қола олмаганининг сабабини айтди

"Тўғрисини айтсам, ўша даврдаги "Ювентус"да мустаҳкам ўрнашиб олишнинг иложи йўқ эди. Атрофингда шундай юлдузлар бўлса-ю, буни қандай амалга ошириш мумкин? Аммо "Ювентус"да қолиб, ижарага йўл олганимда, карьерам бошқача йўналишда ривожланиши мумкин эди. Шундай йўл тутганларнинг барчаси кейинчалик А Серияда энг юқори даражада ўйин намойиш этишди.

Улар босқичма-босқич ҳаракат қилишди. "Ювентус" ёш футболчиларни Б Серияга ижарага берарди, у ерда улар ҳар бир ўйинда тўлиқ 90 дақиқа давомида майдонда бўлишарди. Мен "Парма" ёки "Асколи"га ўтишим мумкин эди, иккала клуб ҳам жиддий қизиқиш билдирганди. Ҳатто маҳаллий газеталар ҳам бу ҳақда ёзишганди. Агар у ерга борганида, "Ювентус" ижара даврида маошимнинг тахминан 70 фоизини тўлаган, қолган 30 фоизини эса Б Серия клуби тўлаган бўларди. Бунинг эвазига янги жамоа менга етарлича ўйин амалиётини бериши керак эди. Бу жараён ёш футболчи учун энг муҳим нарса ҳисобланади.

Бироқ ижарага йўл олишни истамадим, бунинг оқибатида тахминан 5-6 ойни йўқотдим. Кейинчалик, барибир А Серияда иштирок этаётган "Реджина"га ўтдим. Ўша пайтда жамоа бош мураббийи Вальтер Мацарри эди. А Сериядаги дебютимни "Ювентус"га қарши ўйинда ўтказдим. Кейин жуда оғир жароҳат олдим: тўпиқ бойламларим батамом узилди. Тикланишим тахминан 7 ой давом этди.

Шундан сўнг Б Сериясидаги "Кротоне" клубига бордим. А Серияни тарк этишни истамасдим, албатта, аммо жароҳатдан кейин ўша даража ва ўйин суръатига "мослашишим" қийин бўлишини тушунардим. 2003-2004 йилларда А Серия ўзининг энг юқори чўққисида эди. Даража тасаввур қилиб бўлмайдиган даражада юқори эди".

Илёс Зейтуллаев иштирокидаги "Финт Тўраев" подкастининг тўлиқ версияси билан қуйидаги ҳавола орқали танишишингиз мумкин (рус тилида):