Факт. “Фейр-плей” кетма-кет учинчи марта Осиё вакилига топширилди
15 jan 2014 16:27
News

Факт. “Фейр-плей” кетма-кет учинчи марта Осиё вакилига топширилди

Халқаро футбол уюшмаси – ФИФА ҳар йил Швейцариянинг Цюрих шаҳрида йил якунларига бағишлаб катта тадбирни ўтказиб келади.

Бунда йилнинг энг яхши футболчиси ва мураббийидан ташқари “Фейр-плей” соврини эгаси ҳам аниқланади.

Маълумки, бу гал мазкур совринни Афғонистон футбол федерацияси қўлга киритди. Бу эса соврин кема-кет учинчи марта Осиё вакилига насиб этди деганидир. 2012 йил якунларига кўра “Фейр-плей” Ўзбекистон футбол федерациясига берилган эди (уни ЎФФ раҳбари Мираброр Усмонов қабул қилиб олганди).

2011 йил эса бу соврин Япония футбол федерациясига топширилган. Мана энди Афғонистон ҳам “Фейр-плей”дан бебаҳра қолмади. Бу ўз навбатида қитъамизда футбол жадаллик билан ўсаётганидан ва ривожланиш борасида биз Японияни таъқиб этаётганимиз каби Афғонистон ҳам биздан қолишмасликка ҳаракат қилаётганидан дарак беради.

Хайрулла Холиқов.

Link :

Source : championat.asia

Receive latest football news directly on your phone. Subscribe for our Telegram channel!

Rating: