Фаҳад Ал Муваллад иккинчи марта футболдан четлатилди

Фаҳад Ал Муваллад 2019 йилнинг май ойида тақиқланган дори истеъмол қилгани туфайли бир йилга футболдан четлатилганди. "Ал Иттиҳод" футболчисини яқинда "Ал Насср"га қарши ўйиндан сўнг яна текшириб кўришди. Унинг қонида тақиқланган модда топилгани сабаб футболчи яна бир йилга четлатилди.

Клуб шифокорининг айтишича, бу ҳеч қандай тақиқланган дори эмас, балки мушаклардаги оғриқни олишга ёрдам берувчи восита экан. Аммо Саудия Арабистони анти-допинг қўмитаси ҳозирча клуб шифокорининг гапларига қулоқ солмаяпти. 

Шундай қилиб Фаҳад Ал Муваллад фаолиятида иккинчи бор бир йилга катта футболдан четда қоладиган бўлди.