Эй iTicket! Чипталар қаерда???

Бугун 19 июнь куни ўтказиладиган U-23 Осиё кубоги финал ўйинига чипталар сотувга чиқарилди. Бироқ бу жараён тўлиқ бошланмасдан мухлислар орасида катта норозиликлар пайдо бўла бошлади.

"Бунёдкор" стадиони кассаларидаги ҳолат.

Ижтимоий тармоқларда тарқалган мурожаатларга кўра, "Бунёдкор" стадиони кассаларида фақатгина дарвоза ортидаги жойлар (25 минг сўмлик чипталар) учун чипталар сотилмоқда. Бошқа қулайроқ секторлар учун чипталар кассаларда йўқ. Чипталар сотуви бошланишига унча кўп бўлмаган бўлса ҳам стадион кассаларида яхшироқ сектордаги чипталар қолмагани иддао қилинган. Мухлисларнинг сўзларига кўра, кассада сотилаётган чипталар олибсотарлар қўлида 2-3 баробар қимматга сотилмоқда. Бу эса бу чипталар ўзи умуман сотувга қўйилганми деган саволни пайдо қилади.

Чипталарни онлайн харид қилиш.

Расмий манбаларда Ўзбекистон U-23 ва Саудия Арабистони U-23 ўртасидаги ўйин чипталари iTicket.uz сайтида онлайн тарзда сотилиши маълум қилинди. Бироқ сайт кун давомида ишламай қолди. Бунга катта эҳтимол билан сайтга бўлган юкламанинг ошиб кетиши сабаб бўлган. 

Яқиндагина iTicket.uz сайти қайта ишлай бошлади. Бироқ ҳозирда сайт орқали чипта сотиб олишнинг иложи йўқ. Сайтда сотувлар "тез орада" бошланиши ёзиб қўйилган. Championat.asia iTicket.uz сайтига боғланишга ҳаракат қилиб кўрди. Аммо бунинг имкони бўлмади.

Мусобақа ташкилотчиларидан расмий изоҳ кутиб қоламиз.