Евро-2024. Италия қўшиб берилган сўнгги дақиқадаги гол эвазига гуруҳда иккинчи ўринни эгаллади ва кейинги босқичга йўл олди
25 jun 2024 02:00
News

Евро-2024. Италия қўшиб берилган сўнгги дақиқадаги гол эвазига гуруҳда иккинчи ўринни эгаллади ва кейинги босқичга йўл олди

Хорватия ҳамда Италия ўртасида ўтказиладиган Евро-2024 гуруҳ босқичи 3-тур ўйинида кучлар тенг келди.

Хорватия - Италия 1:1

Гол: Лука Модрич 54', 90+8 Закканьи.

Хорватия – Ливакович, Станишич, Шутало, Понграчич, Гвардиол, Модрич (Маер, 80), Ковачич (Иванушец, 70), Брозович, Пашалич (Будимир, 46), Сучич (Перишич, 70), Крамарич (Юранович, 90).
Италия – Доннарумма, Ди Лоренцо, Дармиан (Закканьи, 81), Бастони, Калафьори, Димарко (Кьеза, 57), Жоржиньо (Фаджоли, 81), Барелла, Пеллегрини (Фраттези, 46), Распадори (Скамакка, 75), Ретеги.
Огоҳлантиришлар: Сучич (24), Модрич (60), Иванушец (73), Понграчич (78), Станишич (82), Брозович (90+1), Калафьори (90+3).

Croatia

Luka Modric - 55'

EURO Grp. B . Round 3

25/06/2024, 01:00

Finished

Italy

Mattia Zaccagni - 90'

Stadium: Red Bull Arena Leipzig, 38322 spectators

Referee: Danny Makkelie

45'

90'

Open in Match Center

"Б" гуруҳининг якуний жадвали. Испания ва Италия кейинги босқич йўлланмасини қўлга киритишди. Хорватия мўжиза юз беришини кутади.

90+9. Ўйин якунланди! Италия кейинги босқичда!

90+8. ГОООООООООООООООООООООООООООООЛ! Италия қўшиб берилган охирги дақиқада ҳисобни тенглаштирмоқда. Рикардо Калафьори Маттиа Закканьига мукаммал узатма берди. Маттиа Закканьи эса супер зарба билан вазиятга нуқта қўймоқда!

90+6. Сариқ карточка олиш навбати Фаджолига келди.

90+3. Калафьори ҳам ўзига тегишли сариқ карточкадан бебаҳра қолмади.

90+2. Скамакка узоқ масофадан дарвозага кучли зарба йўллади.

90+1. Марсело Брозович ўта қўпол ўйин учун сариқ карточкага лойиқ кўрилди.

90. Ўйинга 8 дақиқа қўшиб берилди.

89. Хорватия таркибида ўзгариш. Темпни тушириш мақсад қилинган. Крамарич ўрнига Юранович майдонга тушди.

87. Уххххх! Италия қандай вазиятни кўкка совурмоқда!? Кьезанинг қанотдан оширган тўпини Скамакка дарвозага тўғрилаб юбора олмади...

85. Италия тинмай ҳужум уюштиришга ҳаракат қилмоқда, аммо бирор хавфли вазият яратиш қийин кечмоқда.

82. Йосип Станишич жуда қўпол ўйнагани сабаб огоҳлантирилди.

81. Италия таркибида ўзгариш. Дармиан ва Жоржиньо майдондан олинди. Жаджиолли ва Заккани майдонга туширилди.

80. Ўзгариш. Лука Модрич майдондан мухлисларнинг олқиши остида чиқиб кетмоқда. Унинг ўрнини Ловро Майер эгаллайди.

75. Италия термаси таркибида ўзгариш. Жанлука Скамакка майдонга тушди, Распадори эса захирага олинди.

67. Италия босимни оширмоқда.

66. ЗАРБААА! Дармиан қулай вазиятни йўққа чиқарди.

Айни дамда "Б" гуруҳининг онлайн жадвали шу кўринишда:

60. Лука Модрич кўпол "подкат" сабаб огоҳлантирилди.

60. Ўйин "ёнишни" бошлади!

56. Италиядан тезкор реакция: Димарко ўйиндан олинди. Майдонга Федерико Кьеза туширилди.

55. ГООООООООООООООООЛ! Лука Модрич гол урмоқда. Хорватиялик футболчи бир дақиқа олдин пенальтидан фойдалана олмаганди. Модрич кейинги ҳужумнинг ўзида гол урмоқда!

54. Доннарумма пенальтини қайтармоқда! Жанлуижи кимсан Лука Модрич берган зарбани қайтарди!

53. Пенальти! Хорватия 11 метрлик зарбага эга бўлмоқда.

53. Бош ҳакам ВАРни текширмоқда.

52. Хорватлар пенальти сўрашмоқда. Давиде Фратези дарвозага берилган тўпни қўли билан қайтаргани маълум бўлмоқда.

46. Иккинчи бўлим бошида икки жамоада биттадан ўзгариш бўлди. Хорватларда Марио Пашалич ўрнига Анте Будемир майдонга тушди. Италияда Пеллегрини ўрнини Фратези эгаллади.

46. Иккинчи таймга старт берилди.

45+1. Дастлабки 45 дақиқалик ўз якунига етди. Ҳисоб ҳозирча очилмади.

45. Биринчи бўлимга бир дақиқа қўшиб берилди.

44. Биринчи бўлимнинг охирларида жамоалар бироз темпни туширишди.

36. Лоренцо Пеллегрини жарима майдони чегарасидан дарвоза томон зарба йўллади. Ливакович ўз ўрнида.

31. Модричнинг қанотдан берган хавфли узатмасини Доннарумма бартараф этди.

27. ЗАРБАААААААААААААА! Бастони таҳминан 4-5 метрдан бош билан Хорватия дарвозасини нишонга олди. Ливаковичдан супер сейв! Ўйиндаги энг хавфли вазият шу бўлди.