Евро-2024. Никлас Фюллькругнинг голи Германияни биринчи ўринда сақлаб қолди

Швейцария – Германия 1:1
"Дойче банк Парк" стадиони
Голлар: 1:0 – 28 Ндойе, 1:1 – 90+2 Фюллькруг.

Швейцария – Зоммер, Видмер, Родригес, Шер, Аканджи, Эбишер, Джака, Фройлер, Ридер (Варгас, 65), Ндойе (Амдуни, 65), Эмболо (Дуа, 65).

Германия – Нойер, Рюдигер, Та (Шлоттербек, 61), Миттельштедт (Раум, 61), Кроос, Гюндоган, Андрих (Байер, 65), Виртц (Сане, 76), Киммих, Хавертц, Мусиала (Фюллькруг, 76).

Огоҳлантиришлар: Ндойе (25), Та (38), Джака (67), Видмер (81).

Switzerland Dan Ndoye - 28'

EURO Grp. A . Round 3 24/06/2024, 01:00 1 : 1 Finished

Germany Niclas Fuellkrug - 90'

Stadium: Deutsche Bank Park, 46685 spectators

Referee: Daniele Orsato

45'

90'

25'  Dan Ndoye

28'  Dan Ndoye

28'  Remo Freuler

65'  Fabian Rieder (Ruben Vargas)

65'  Dan Ndoye (Zeki Amdouni)

65'  Breel Embolo (Kwadwo Duah)

66'  Granit Xhaka

81'  Silvan Widmer

17'  Robert Andrich

38'  Jonathan Tah

61'  Jonathan Tah (Nico Schlotterbeck)

61'  Maximilian Mittelstaedt (David Raum)

65'  Robert Andrich (Maximilian Beier)

76'  Jamal Musiala (Niclas Fuellkrug)

76'  Florian Wirtz (Leroy Sane)

90'  Niclas Fuellkrug

90'  David Raum

Open in Match Center

Ушбу саҳифада учрашувнинг матнли трансляциясини кузатиб боришингиз мумкин бўлди. 

ЯНГИЛАШ

Лерой Сане марказда тўпни олдириб қўйди ва шу паллада Даниэль Орсато финал ҳуштагини чалди! Мағлубиятдан қутилиб қолган Германия плей-оффга биринчи ўриндан чиқди!  

90+4-дақиқа. Швейцария терма жамоаси ҳужумга ташланди. Аммо узатмадаги хато туфайли уриниш охирига етмай қолди. 

90+2-дақиқа. ГООООООЛ! Никлас Фюллькруг Германияни эҳтимол мағлубиятдан қутқариб қолмоқда!

90-дақиқа. Ўйиннинг иккинчи бўлимига 4 дақиқа қўшиб берилди!

84-дақиқа. Крооснинг узатмасидан кейин Кай Хаверц елкаси билан зарба берди, тўп дарвоза тўсинига тегиб, майдонни тарк этди.  

81-дақиқа. Огоҳлантириш! Сильван Видмер қанотда Раумга нисбатан очиқчасига фол ишлатгани учун огоҳлантирилди.

76-дақиқа. Ўзгаришлар! Вирц ва Мусиала ўрнига Никлас Фьюлкрюг ҳамда Лерой Сане жангга ташланди.

Германия мусобақадаги илк муаммога дуч келди ва ҳозирча уни қандай ҳал қилиш мумкинлигини топа олмаяпти. 

67-дақиқа. Огоҳлантириш! Агрессив ҳаракати учун Жакага сариқ кўрсатилди. 

66-дақиқа. Ўзгариш! Андрих ўрнига Максимилиан Байер жангга қўшилди.

65-дақиқа. Ўзгаришлар! Эмболо, Ндойе ва Ридер ўрнига Рубен Варгас, Квадво Дуа ҳамда Зеки Амдуни ўйинга қўшилди.   

64-дақиқа. Крооснинг узатмасидан кейин Кай Хаверц зарба берди, лекин яна ноаниқ. 

61-дақиқа. Ўзгаришлар! Жонатан Та ўрнига Нико Шлоттербек, Максимилиан Миттельштадт ўрнига Дэвид Раум майдонга туширилди.   

60-дақиқа. Германия навбатдаги бурчак зарбасидан фойда чиқара олмади. 

57-дақиқа. Сариқ карточкаси бор Жонатан Та тўп учун курашда Эмболога нисбатан фол ишлатди, деб топилди. Ҳимоячи бундай қарордан норози.  

55-дақиқа. Тони Кроос кучли зарба берди, аммо мўлжалда адашди. 

50-дақиқа. Вирцнинг ажойиб узатмасидан кейин Мусиала қулай имкониятга эга бўлди ва зарба берди, лекин Зоммер ўз ўрнида.  

48-дақиқа. Рюдигер, Та ва Андрих биргаликда Эмболони зарарсизлантиришди!

46-дақиқа. Иккинчи бўлим бошланди!

45+2-дақиқа. Бўлди, Орсато бўлим якунланганини билдирувчи ҳуштагини чалди. Танаффус!

45+1-дақиқа. Германия терма жамоаси ҳеч қаерга шошмаяпти. 

45-дақиқа. Биринчи бўлимнинг асосий вақтига 2 дақиқа қўшиб берилди. 

44-дақиқа. Германиянинг яна бир ҳужуми самарасиз якунланди. 

38-дақиқа. Огоҳлантириш! Жонатана Та жуда баланд сакраб, Эмболога нисбатан хавфли ҳаракат қилгани учун карточкага лойиқ кўрилди.  

36-дақиқа. Швейцария футболчилари немисларнинг яна бир уринишини ортиқча муаммосиз йўққа чиқаришди. 

33-дақиқа. Андрихнинг яна бир зарбасидан кейин тўп рақиб футболчисига тегиб, майдонни тарк этди. Бурчак зарбасини Кроос амалга оширди ва ҳимоячилар тўпни узоқлаштиришди. 

28-дақиқа. ГООООООЛ! Ремо Фройлернинг узатмасидан кейин ҳозиргина сариқ олган Дэн Ндойе тўпни дарвозага йўллади. 

25-дақиқа. Огоҳлантириш! Дэн Ндойе ўйин қоидасини бузгани учун сариқ карточкага лойиқ кўрилди. 

20-дақиқа. Швейцария олдинга ўтди. Стандарт вазиятдан наф чиқмади. 

Ҳисоб ўзгармади ва ўйин давом этади. 

Аммо, лекин, бироқ... "VAR" ишга тушди ва Орсатони экран олдига чақирди. Италиялик ҳакам Мусиала чиндан ҳам голдан бироз аввал ўйин қоидасини бузганини қайд этди. 

17-дақиқа. ГОООООООЛ! Андрих узоқ масофадан зарба бериб, ҳисобни очди!

15-дақиқа. Жака тўп учун курашда Кроосга нисбатан қоидани бузди.

13-дақиқа. Ману Нойер ишончли ҳаракат қилиб, жарима майдончасига ёриб кираётган рақиби тўпга эга чиқа олмаслигини таъминлади.  

12-дақиқа. Кай Хаверц жарима майдончаси ичида йиқилди ва ҳакамга юзланиб, пенальти белгиланиши кераклигини уқтирмоқчи. 

10-дақиқа. Германия тўпни назорат қилмоқда. 

5-дақиқа. Майдон марказида немислар ўйин қоидасини бузишди. 

3-дақиқа. Швейцария дарҳол жавоб берди, лекин бу сафар ҳам бурчак зарбаси наф келтирмади. 

2-дақиқа. Германия термаси бурчак зарбаси ишлаб олди, лекин дарвозаси томон йўлланган зарба Зоммерга муаммо туғдирмади. 

1-дақиқа. Ўйин бошланди!

Ҳар икки жамоа асосий таркиб вакиллари майдонга тушиб келишди ва мадҳиялар жаранг сочмоқда.