Евро-2020 саралаши. Ўзига ўхшамаётган Португалия ва Хорватия
27 mar 2019 16:42
News

Евро-2020 саралаши. Ўзига ўхшамаётган Португалия ва Хорватия

Ўтган ҳафтада "Кўҳна қитъа"да 2020 йил бўлиб ўтадиган Европа чемпионати учун саралаш баҳслари бошланди.

Биз ҳар бир гуруҳдаги вазият ҳақида батафсил маълумот берамиз.

"A" гуруҳида фаворит ҳисобланган Англия терма жамоаси дастлабки икки ўйинда йирик ғалабаларга эришди. Дастлаб Саутгейт шогирдлари "Уэмбли"да Чехияни 5:0 ҳисобида таслим этишди. Сўнгра Подгорицада Марко Симич ўйнаётган Черногорияни 5:1 ҳисобида тор-мор этишди. Аслида ҳозирданоқ инглизларни Европа чемпионатига чиққани билан табриклаш мумкин деб ўйлаймиз. Чунки гуруҳда уларга рақобат қиладиган жамоа кўринмаяпти. Иккинчи ўринга даъвогар деб ҳисобланган Черногория ҳам, Чехия ҳам ҳозирча ғалаба қозона олишмади. Умуман олганда бу гуруҳда ҳозирга қадар фақат Англия ғалаба қозонди холос.

№	Жамоа	Ў	Ю	Д	М	Т-Н	О
1	Англия	2	2	0	0	10-1	6
2	Болгария	2	0	2	0	2-2	2
3	Косово	1	0	1	0	1-1	1
4	Черногория	2	0	1	1	2-6	1
5	Чехия	1	0	0	1	0-5	0

Амалдаги Европа чемпионлари жойлашган "B" гуруҳида эса вазият бошқачароқ. Бу ерда фаворит Португалия дастлабки икки ўйинда атиги 2 очко жамғарди холос. Эътиборлиси Роналду жамоадошлари иккала ўйинни ҳам ўз майдонида ўтказишганди. Дастлаб Украина Лиссабонда 0:0 ҳисобида дурангга эришган бўлса, иккинчи турда Душан Тадич етакчилигидаги серблар Пириней ярим оролидан бир очко билан қайтишди. Андрей Шевченко бошқарувидаги Украина эса Португалиядаги дурангдан сўнг Люксембургда меҳмон бўлди ва сўнгги сонияларда рақиб томонидан урилган автогол эвазига ғалаба қозонди - 2:1. Бугунги кунда айнан Украина гуруҳда пешқадам бўлиб турибди.

№	Жамоа	Ў	Ю	Д	М	Т-Н	О
1	Украина	2	1	1	0	2-1	4
2	Люксембург	2	1	0	1	3-3	3
3	Португалия	2	0	2	0	1-1	2
4	Сербия	1	0	1	0	1-1	1
5	Литва	1	0	0	1	1-2	0

Германия ва Голландия каби грандлар ўрин олган "C" гуруҳида ҳозирча Шимолий Ирландия пешқадам бўлиб турибди. Бу жамоа дастлабки икки учрашувда 6 очко тўплади. Голландия илк турда Беларусни йирик ҳисобда таслим қилгач Германиядан мағлуб бўлди. Немислар дастлабки турда дам олишди. Ушбу гуруҳда икки йўлланма мана шу учта терма жамоа ўртасида талаш бўлиши турган гап.

№	Жамоа	Ў	Ю	М	Т-Н	О
1	Шим.Ирландия	2	2	0	4-1	6
2	Германия	1	1	0	3-2	3
3	Голландия	2	1	1	6-3	3
4	Эстония	1	0	1	0-2	0
5	Беларус	2	0	2	1-6	0

Олдинги гуруҳда Шимолий Ирландия пешқадам бўлса, "D" гуруҳида Ирландия пешқадам. Мик Маккарти шогирдлари Гибралтар ва Грузия билан ўйинларда биттадан гол уриб 6 очко жамғаришди. Гуруҳ фаворити деб қаралган Швейцария Грузияни таслим қилди, бироқ иккинчи турда Дания билан дуранг ўйнаб қўйди.

№	Жамоа	Ў	Ю	Д	М	Т-Н	О
1	Ирландия	2	2	0	0	2-0	6
2	Швейцария	2	1	1	0	5-3	4
3	Дания	1	0	1	0	3-3	1
4	Гибралтар	1	0	0	1	0-1	0
5	Грузия	2	0	0	2	0-3	0

Энг чигал гуруҳлардан бирига етиб келдик. "E" деб номланган гуруҳда 5та жамоадан 4тасида 3 очко бор. Яъни ҳеч бир жамоа икки ўйинда ғалаба қозона олгани йўқ. Словакия, Венгрия ва Хорватия ғалаба ва мағлубиятни қабул қилиб бўлишди. Гарет Бэйл жамоадошлари эса ҳозирча фақат битта учрашувда майдонга тушишди ва 3 очко тўплашди.

№	Жамоа	Ў	Ю	М	Т-Н	О
1	Словакия	2	1	1	2-1	3
2	Уэльс	1	1	0	1-0	3
3	Венгрия	2	1	1	2-3	3
4	Хорватия	2	1	1	3-3	3
5	Озарбайжон	1	0	1	1-2	0

"F" гуруҳида қоғоздаги фаворитлар ҳозирча ишончни оқлашмоқда. Испания Норвегия ва Мальтани кичик ҳисобларда мағлуб этди. Швеция эса ҳозирча 4 очко жамғарди.

№	Жамоа	Ў	Ю	Д	М	Т-Н	О
1	Испания	2	2	0	0	4-1	6
2	Швеция	2	1	1	0	5-4	4
3	Руминия	2	1	0	1	5-3	3
4	Мальта	2	1	0	1	2-3	3
5	Норвегия	2	0	1	1	4-5	1
6	Фарер ороллари	2	0	0	2	2-6	0

"G" гуруҳида Польша терма жамоаси якка пешқадам бўлиб турибди. Левандовски, Милик ва Пентек каби даҳаштли ҳужумчиларга эга бўлган польяклар сафарда Австрияни ва ўз майдонида Латвияни мағлуб этишди. 4тадан очко тўплаган Исроил ва Македония эса ҳозирча кейинги ўринларни эгаллаб туришибди. Австрия эса икки ўйинда ҳам мағлуб бўлиб кўпчиликни ажаблантириб қўйди.

№	Жамоа	Ў	Ю	Д	М	Т-Н	О
1	Польша	2	2	0	0	3-0	6
2	Исроил	2	1	1	0	5-3	4
3	Македония	2	1	1	0	4-2	4
4	Словения	2	0	2	0	2-2	2
5	Австрия	2	0	0	2	2-5	0
6	Латвия	2	0	0	2	1-5	0

Амалдаги Жаҳон чемпионлари Франция терма жамоаси жой олган "H" гуруҳида бошқа ким ҳам пешқадам бўлиши мумкин? Дешам шогирдлари Молдова ҳамда Исландия дарвозаларига 4тадан гол уришга эришишди. Шенол Гюнеш бошчилигидаги Туркия ҳам дастлабки икки баҳсда максимал очко тўплади. Бу гуруҳда икки йўлланма айнан шу жамоаларга насиб этиши кутилмоқда.

№	Жамоа	Ў	Ю	М	Т-Н	О
1	Франция	2	2	0	8-1	6
2	Туркия	2	2	0	6-0	6
3	Албания	2	1	1	3-2	3
4	Исландия	2	1	1	2-4	3
5	Андорра	2	0	2	0-5	0
6	Молдова	2	0	2	1-8	0

"I" гуруҳида вазият чигал кўриниш олган. Яққол фаворит Бельгия Россияни ҳам, Кипрни ҳам таслим этди. Россия, Қозоғистон, Кипр ва Шотландия ҳисобида эса икки ўйиндан сўнг 3тадан очко бор. Яққол аутсайдер Сан-Марино ўз ўрнида.

№	Жамоа	Ў	Ю	М	Т-Н	О
1	Бельгия	2	2	0	5-1	6
2	Россия	2	1	1	5-3	3
3	Қозоғистон	2	1	1	3-4	3
4	Кипр	2	1	1	5-2	3
5	Шотландия	2	1	1	2-3	3
6	Сан Марино	2	0	2	0-7	0

Ниҳоят "J" гуруҳига етиб келдик. Бу ерда Роберто Манчини бошчилигидаги Италия ҳозирча максимал очко тўплади. "Скуадра Адзурра" Финляндияни 2:0, Лихтенштейнни 6:0 ҳисобида таслим этди. Греция ва Босния Герцеговина ҳисобида бир хил 4тадан очко бор.

№	Жамоа	Ў	Ю	Д	М	Т-Н	О
1	Италия	2	2	0	0	8-0	6
2	Греция	2	1	1	0	4-2	4
3	Босния ва Герцеговина	2	1	1	0	4-3	4
4	Финляндия	2	1	0	1	2-2	3
5	Арманистон	2	0	0	2	1-4	0
6	Лихтенштейн	2	0	0	2	0-8	0